ولسي جرګه: د نا امنۍ ډېروالي لامل فرمايشي ګومارنې دي

ولسي جرګه: د نا امنۍ ډېروالي لامل فرمايشي ګومارنې دي Featured

د ولسي جرګې ځيني غړي وايي چې د کورنيو چارو وزارت پر مهمو پوستونو د افرادو مقررۍ کې وړتيا په پام کې نه نيول کېږي او دې چارې په یاد وزارت کې د فساد ډېروالي او نا امنۍ کې عمده رول لوبولى دى. د یادې جرګې غړو په نننۍ ناسته کې وويل چې په ډېریو ولايتونو کې د پوليسو شمېر له هغې کچې ډېر کم دى چې په پام کې نيول شوې و. د هغوی په خبره، لا هم په کورنيو چارو وزارت کې خيالي پوليس شته، خو د دوى مياشتنۍ تنخوا د افرادو او اشخاصو جېبونو ته ځي. د جرګې غړو په دې برخه کې د زياتو جزئياتو له ورکړې پرته وويل چې په کورنيو چارو وزارت کې فرمايشي او نا مسلکي ګومارنې د دې سبب شوې چې د اکثره ولايتونو امنيتي وضعيت ډېر خراب شي. د مشرانو جرګې مشر عبدالرووف ابراهيمي هم وويل چې په کورنيو چارو وزارت کې د افرادو په استخدام کې وړتيا ته پاملرنه نه کېږي او بهير يې د قانون او د هېواد د اوسنيو شرايطو خلاف دى.

Read 25 times

څپې او وختونه

راسره ملګري شئ

د سپوږمۍ راډیو اپلیکشن

Spogmai App   Spogmai App