ورځپاڼې

Latest News

د کابل نننۍ ورځپاڼې ۲۰۱۸-۱-۱۰

چهارشنبه, 20 جدی 1396 08:14

هارټ آف ایشیا (Heart Of Asia):
په کابل کې چاپېدونکې دغه انګلیسي ورځپاڼه وايي، چې د یوه کال په تېرېدو لا هم متحده عربي اماراتو افغانستان ته خپل سفیر نه دی استولی. د اماراتو سفیر جمعه الکعبي تېر میلادي کال په همدې میاشت کې په کندهار کې په یوه برید کې ووژل شو. په سرلیکنه کې وايي، حکومت د برېښنايي پېژندپاڼو په برخه کې تر قانون وړاندې سیاسي مصلحتونو ته مخه کوي. د لیکوال په خبره د حکومت دنده ده، چې قانون پلی کړي، نه دا چې سیاسي مصلحتونو ته مخه کړي او قانون تر پښو لاندې کړي.

مسیر:
ورځپاڼه په لومړني خبر کې لیکي، چې عبدالله عبدالله د مافیا په ګټه د برېښنايي پېژندپاڼو په وېش کې د ځنډ ملاتړ کوي. همدا راز په سرلیکنه کې بیا وايي، چې د ملي یووالي حکومت د بلخ والي عطا محمد نور ته بې وخت او بې ځایه حوصله کوي، نو ښه ده چې دغه مسئله یو طرفه کړي.

ویسا:
ورځپاڼه په خپله سرلیکنه کې وايي، چې په افغانستان کې د ناندریو د پارولو په برخه کې د جان کیري نسخه بریالۍ را ووته او ټول هېواد یې له کشمکشونو ډک کړ. همدا راز په یوه خبر کې د نشنل انټرسټ له قوله لیکي، چې د افغانستان راتلونکی د امریکا د ناسمو پالیسیو له امله تیاره برېښي.
۸ صبح:
ورځپاڼې د ګیلاني او نبیل تر منځ وروستیو څرګندونو ته اشاره کړې ده. نبیل ادعا کړې، چې ګیلاني غواړي د حقاني شبکې ځینې غړي خوشي کړي. په سرلیکنه کې بیا وايي، چې اساسي قانون ته بې احترامي اوج ته رسېدلې ده او ددې لړۍ باید مخه ونیول شي.

د کابل نننیو ورځپاڼو ته کتنه 2018-1-7

سه‌شنبه, 19 جدی 1396 09:20

مسیر:
ورځپاڼې په لومړني مخ کې په کابل کې د اوسپنې د ذوب او تولید د تر ټولو لویې فابریکې د پرانیستې په اړه خبر جوړ کړی دی. دغه فابریکه تېره ورځ په کابل کې د ولسمشر غني له لوري پرانیستل شوه. په سرلیکنه کې یې د پاکستان او امریکا د روانو ناندریو په اړه خبرې کړې دي. ورځپاڼه ددې تر څنګ ګڼ نور خبرونه او ګټورې لیکنې هم لري.

هارټ اف ایشیا (Heart Of Asia):
په کابل کې چاپېدونکې دغه انګلیسي ورځپاڼې هم د ولسمشر غني له لوري د اوسپنې د یوې سترې فابریکې د پرانیستې په اړه خبر جوړ کړی دی. همدا راز په سرلیکنه کې وایي، چې په ۲۰۱۸ کال کې په افغانستان کې د جګړې د شدت وېره شته ده. د ورځپاڼې په باور ښايي په افغانستان کې د جګړې ښکېلې خواوې جګړه سخته کړي او روان میلادي کال به له جګړو ډک کال وي.

ویسا:
په کابل کې چاپېدونکې دغه ورځپاڼې بېل مطالب او خبرونه را اخیستي دي. په یوه خبر کې وايي د ولسي جرګې غړو غوښتي چې امتیازات یې دوه برابره کړل شي. همدا راز په سرلیکنه کې وايي، ولسمشر پرون په یوه غونډه کې وویل، چې په افغانستان کې قانون حاکم دی او ملک الطوایفي ختمه ده. ورځپاڼه بیا لیکي، چې قانون تر پښو لاندې شوی او ډېر کله کارونه په خپل سر تر سره کېږي.

Popular News

ویسا:ورځپاڼه په لومړني خبر کې وايي، افغان حکومت د سولې…
مسیر: ورځپاڼه په لومړني خبر کې لیکي، چې افغان حکومت…
مسیر:ورځپاڼې په لومړني مخ کې په کابل کې د اوسپنې…
هارټ آف ایشیا (Heart Of Asia):په کابل کې چاپېدونکې دغه…

څپې او وختونه

راسره ملګري شئ

د سپوږمۍ راډیو اپلیکشن

Spogmai App   Spogmai App