Spogmai FM http://www.spogmairadio.af/component/content/frontpage Sun, 24 Sep 2017 15:33:13 +0000 Joomla! 1.5 - Open Source Content Management fa-ir عبدالله عبدالله: رڼې ټاکنې امنیتې وضعیت بدلولی شي http://www.spogmairadio.af/spogmai-news/afghanistan/14048-2017-09-24-10-49-04 http://www.spogmairadio.af/spogmai-news/afghanistan/14048-2017-09-24-10-49-04 رڼې او ولس ته منلې ټاکنې پر سیاسي او امنیتي وضعیت مثبت اغیز لرلی شي. له اجراییه ریاست څخه په خپره شوې خبرپاڼه کې راغلي، چې اجراییه رییس تېره ورځ د سوېلي اسیا هېوادونو د ټاکنیزو بنسټونو له مسئوولینو سره د لیدنې پر مهال ویلي، چې رڼې او سراسري ټاکنې کولای شي د افغانستان امنیتي او سیاسي وضعیت په ټېنګښت کې مثبته اغیزه ولري. عبدالله عبدالله د جنوبي اسیا هیوادنو د ټاکنیزو بنسټونو سره دا ډول ناستې د هیوادنو د اړیکو په پياوړتیا کې هم مهمې یادې کړې دي. په یاده ناسته کې د ټاکنو خپلواک کمېسيون مشر نجیب الله احمدزي ویلي، چې دوی به د یادو بنسټونو له تجربو او ظرفیت څخه د افغانستان د ټاکنو د کارونو په سمونه کې ګټه پورته کړي.

]]>
hameedwardak20@gmail.com (سپوږمۍ راډیو) frontpage Sun, 24 Sep 2017 10:48:34 +0000
حامد کرزی: امریکا او پاکستان د افغانستان لپاره لوی ګواښ دي http://www.spogmairadio.af/spogmai-news/afghanistan/14037-2017-09-24-03-56-27 http://www.spogmairadio.af/spogmai-news/afghanistan/14037-2017-09-24-03-56-27

پخوانی ولسمشر حامد کرزی وايي امریکا او پاکستان اوس هم د افغانستان لپاره تر ټولو ستر ګواښ دی. کرزي چې د افغانستان او سوېلي اسیا لپاره د امریکا د نوې تګلارې په اړه یې له فارن پالیسۍ مجلې سره خبرې کړې ټینګار کړی چې د امریکا لپاره اوس هم پاکستان تر افغانستان مهم دی او په تېر کې هم دغه زبرځواک تر ډېره یوازې د پاکستان پر ملامتولو بسنه کړې ده.

ښاغلي کرزي زیاته کړې:

"ما ته پخپله د امریکا د پخواني ولسمشر مرستیال جو بایډن وویل، چې پاکستان د افغانستان په نسبت امریکا ته ۵۰ چنده مهم دی"

کرزي پر خپل همېشني دریځ د ټینګار په ترڅ کې ویلي امریکا سره له دې چې پوهېږي د ترهګرو ځالې په پاکستان کې دي او دغه هېواد د ترهګرۍ ملاتړ کوي، خو د ترهګرۍ خلاف جګړه یې په افغانستان کې روانه کړې ده.

پخواني ولسمشر حامد کرزي د امریکا پر نوې تګلارې د نیوکې په ترڅ کې ویلي چې دا تګلاره په افغانستان کې د سولې لپاره نه ده " دا تګلاره په افغانستان کې د جګړې د اور لمبې لا پیاوړې کوي".

کرزي په ډاډ ویلي چې امریکایان په افغانستان کې د ستونزې د حل لپاره هېڅ نه کوي او کوم کارونه چې یې کړي، ټول د ستونزو د حل پر وړاندې د خنډونو رامنځته کول دي.

حامد کرزي د افغانستان جګړه ناپایه بللې او یادونه یې کړې چې افغانان یوازې د دې جګړې د سون توکي دي. نوموړي د افغانستان او سوېلي اسیا په اړه د ټرمپ د نوې تګلارې تر اعلان وروسته په خپله لومړنۍ مرکه کې ټینګار کړی چې افغانان نه غواړي هېواد یې په سیمه کې د امریکا د ګټو لپاره د جګړو پر ډګر بدل شي.

بلخوا د چارو شنونکي په دې باور دي چې پاکستان په سیمه کې د کړکېچ د دوام په موخه رامنځته شوی او  همېشه يې د  افغانستان پر ضد له بهرنیو سره لاس یو کړی.

د چارو شنونکی جنرال عبدالواحد طاقت وايي پاکستان د امریکا د واکمنۍ د لمنې د پراختیا په موخه پر طالبانو سربېره د داعش وسله والو ملاتړ هم کوي، څو دا ترهګره ډله منځنۍ اسیا ته لاره پیدا کړي.

طاقت مسیر ورځپاڼې ته وویل:

"امریکا له ترهګرۍ د پاکستان پر ملاتړ غلې ده او دا ښيي چې امریکا ته پاکستان تر افغانستان مهم دی، ځکه پاکستان په سیمه  کې د امریکا د ګټو تر ټولو ښه ساتونکی دی"

ښاغلی طاقت وايي، چې افغانستان د پاکستان د توکو او تولیداتو د پلور لپاره یو ښه مارکېټ دی او که په دغه هېواد کې امنیت تأمین شي، نو پاکستان به د خپلو توکو د پلور مارکېټ له لاسه ورکړي.

طاقت په دې باور دی چې په افغانستان کې د ناامنيو دوام د پاکستان او امریکا ګډه موخه ده.

که څه هم د افغانستان او سوېلي اسيا لپاره د امريکا د متحدو ايالتونو په نوې تګلاره کې پاکستان ته د طالبپالي هېواد په سترګه کتل شوي؛ خو د چارو شنونکي د امریکا دغه دریځ ته د شک په سترګه ګوري او زیاتوي چې دواړه هېوادونه په سیمه کې د کړکېچ د غځولو په هڅه کې دي.

]]>
hameedwardak20@gmail.com (نن په مسیر ورځپاڼه کې) frontpage Sun, 24 Sep 2017 03:52:20 +0000
حامد کرزی: افغان حکومت دې د بهرنیو ځواکونو د خپلسریو مخه ونیسي http://www.spogmairadio.af/spogmai-news/afghanistan/14036-2017-09-23-12-43-00 http://www.spogmairadio.af/spogmai-news/afghanistan/14036-2017-09-23-12-43-00 پخواني ولسمشر حامد کرزي ویلي چې بهرني ځواکونه په افغانستان کې په خپلسرې توګه عملیات کوي او په عملیاتو کې یې ملکي وګړو ته مرګ ژوبله اوړي. د پخواني ولسمشر له مطبوعاتي دفتره په رالېږل شوې خبرپاڼه کې په ننګرهار کې د بهرنیو ځواکونو له لوري د درېیو ملکي وګړو وژل کېدل په کلکو ټکو غندل شوي دي. نوموړي پر حکومت غږ کړی، چې په افغانستان کې دې د بهرنیو ځواکونو د خپلسریو مخه ونیسي، ځکه په دې توګه به د ملکي وګړو مرګ ژوبله لوړه شي او له حکومت به د ولس واټن لا ډېر شي. دوې ورځې وړاندې بهرنیو ځواکونو په ننګرهار کې عملیات کړي، چې له امله یې درې ملکي وګړي وژل شوي دي. د ننګرهار ځايي چارواکي وايي چې عملیات ځانګړو ځواکونو کړي دي، خو د پخواني ولسمشر حامد کرزي ددفتر په خبرپاڼه کې دغه عملیات د بهرنیانو کار بلل شوی دی.

]]>
hameedwardak20@gmail.com (سپوږمۍ راډیو) frontpage Sat, 23 Sep 2017 12:41:40 +0000
په افغانستان او پاکستان کې ډېر مسلمانان د مسلمانانو په لاس وژل شوي دي http://www.spogmairadio.af/spogmai-news/afghanistan/14031-2017-09-23-07-10-33 http://www.spogmairadio.af/spogmai-news/afghanistan/14031-2017-09-23-07-10-33 د افغانستان په اوږده جګړه کې تر ټولو ډېر مسلمانان د مسلمانانو په لاس وژل شوي دي. د ملي عوامي ګوند غړي او پخواني سناتور افراسیاب خټک له یوه څېړنیز بنسټ سره په خبرو کې ویلي، چې د افغانستان جګړه تر ټولو اوږده شوه او په پاکستان او افغانستان کې تر ټولو ډېر مسلمانان د مسلمانانو په لاس ووژل شول. دده په وینا ښايي له هند سره په جګړه کې دومره مسلمانان نه وي وژل شوي لکه په افغانستان او پاکستان کې چې د مسلمانانو خپلمنځیو جګړو وژلي دي. افراسیاب خټک همدا راز ویلي، دا به ښه وي چې د پاکستان او افغانستان حکومتونه پخپلو کې سره کېنې او د سولې خبرې پيل کړي. خټک دا هم ویلي، چې د افغانستان اوږدې جګړې د سلګونه انسانانو ژوند واخیست او تر ډېره هغه وسلې پکې و ازمویل شوې چې تر اوسه نه وې کارول شوې. خټک د دواړو هېوادونو ترمنځ راشه درشه او سیاسي مذاکرات د ټولوې سیمې په ګټه بللي دي.

]]>
hameedwardak20@gmail.com (سپوږمۍ راډیو) frontpage Sat, 23 Sep 2017 07:09:18 +0000
د امریکا پوځي حضور افغانستان له نورو ناخوالو سره هم مخ کولی شي http://www.spogmairadio.af/spogmai-news/afghanistan/14027-2017-09-23-03-19-06 http://www.spogmairadio.af/spogmai-news/afghanistan/14027-2017-09-23-03-19-06 د سیاسي ګوندونو او مدني بنسټونو کور وایي چې په افغانستان کې د امریکا اوږد مهاله پوځي حضور افغانستان له نورو ناخوالو سره مخ کوي او باید ټرمپ د جګړې پر ځای په خپله تګلاره کې سولې ته لومړیتوب ورکړی وای. د سیاسي ګوندونو او مدني بنسټونو کور په کابل کې د یوې غونډې پر مهال د امریکا له نوې ستراتېژۍ سره ښکاره مخالفت ښودلی او هغه یې د هېواد په زیان بللې ده. د افغانستان د ملي اسلامي سولې ګوند رئیس شاه محمود پوپل او د سیاسي ګوندونو د کور غړی محمد منصور دوست وایي چې د افغانستان لپاره د امریکا په جنګي ستراتېژۍ کې د سولې هېڅ یادونه نه ده شوې او برعکس دغه هېواد دلته د پوځي حضور او جګړې دوام غواړي چې دا کار به د افغانستان پر راتلونکې بدې اغېزې ولري. دوى زياتوي، د پاکستان پر وړاندې د امریکا ستراتېژي او د هغه هېواد په خاوره کې د جنګیالیو ډلو پرضد اقدام هغه وخت ورته د منلو دى چې امریکا په دې برخه کې عملي ګامونه واخلي.

]]>
hameedwardak20@gmail.com (سپوږمۍ راډیو) frontpage Sat, 23 Sep 2017 03:18:08 +0000
ډونالډ ټرمپ: له ترهګرۍ سره مبارزې او د افغانستان ثبات ته ژمن یو http://www.spogmairadio.af/spogmai-news/afghanistan/14023-2017-09-22-06-26-00 http://www.spogmairadio.af/spogmai-news/afghanistan/14023-2017-09-22-06-26-00 افغان ولسمشر اشرف غني د امریکا له ولسمشر ډونالډ ټرمپ سره کتلي دي. په دلیدنه کې چې په نیویارک کې تر سره شوه افغان ولسمشر اشرف غني د ټرمپ د نوې تګلارې هر کلی کړی دی او هغه یې یوه تاریخي پرېکړه بللې ده. د ولسمشر غني په وینا امریکا او افغانستان دواړه ددغه تګلارې عملي کولو ته ژمن دي. دواړو لورو همدا راز له ترهګرۍ سره د مبارزې، د افغان ځواکونو د تجهیز، روزنې او ظرفیت لوړنې، سولې، امنیت او اقتصادي ودې په اړه خبرې کړې دي. د امریکا ولسمشر ډونالډ ټرمپ په دې لیدنه کې د افغان ځواکونو سرښندنې ستایلې دي. د ټرمپ په وینا په افغانستان کې ګڼې وسله والې ډلې جګړه کوي او دوی له دغو ډلو سره مبارزې ته ژمن دي. ټرمپ زیاته کړې، چې دوی په افغانستان کې د سولې او ثبات غوښتونکي دي او د اقتصادي ودې لپاره به د افغانستان د کانونو ترڅنګ په نورو برخو کې هم پاګونه وکړي. ولسمشر غني هم د امریکا له مرستو مننه وکړه او زیاته یې کړه، چې له ترهګرۍ سره جدي مبارزه د نړۍ د امنیت سبب ګرځي. ولسمشر ویلي، چې تلپاتې سوله او ثبات د افغانانو او افغان حکومت لومړیتوب دی او له ولسمشر ټرمپ یې مننه کړې، چې په دې برخه کې د افغانانو ملاتړ کوي.

]]>
hameedwardak20@gmail.com (سپوږمۍ راډیو) frontpage Fri, 22 Sep 2017 06:23:45 +0000
استرالیایي سوداګرو په افغانستان کې پانګونې ته زړه ښه کړی http://www.spogmairadio.af/spogmai-news/afghanistan/14021-2017-09-21-11-45-30 http://www.spogmairadio.af/spogmai-news/afghanistan/14021-2017-09-21-11-45-30 استرالیایي پانګوال په هېواد کې د کانونو د را ایستلو په برخه کې لېوالتیا لري. له ارګه په خپره شوې خبرپاڼه کې راغلي، چې افغان ولسمشر په نیویارک ښار کې له سوداګرو او پانګوالو سره خبرې کړې او استرالیایي پانګوالو په افغانستان کې د کانونو را ایستلو په برخه کې پانګونې ته زړه ښه کړی دی. سرچينه زیاتوي، په نیویارک ښار کې د افغانستان په اړه د پانګونې په غوڼده کې د ولسمشر غني ترڅنګ افغان او نړیوالو سوداګرو هم برخه اخیستې وه. د خبرپاڼې به حواله ولسمشر غني بهرنیو پانګه والو او تاجرانو ته په افغانستان کې د برېښنا بندونو د جوړولو، زېربناو، کانونو، کرنې او نورو برخو کې د پانګونې او سوداګرۍ د بېلابېلو فرصتونو په اړه معلومات ورکړل. د ویلو ده چې په یاده غونډه کې د اوپېک سازمان استازي هم برخه اخیستې و.

]]>
hameedwardak20@gmail.com (سپوږمۍ راډیو) frontpage Thu, 21 Sep 2017 11:44:16 +0000
ولسمشر غني: پاکستان دې وخت نه ضایع کوي، د سولې خبرو ته دې حاضر شي http://www.spogmairadio.af/spogmai-news/afghanistan/14018-2017-09-21-06-36-21 http://www.spogmairadio.af/spogmai-news/afghanistan/14018-2017-09-21-06-36-21 ولسمشر غني وايي پاکستان دې وخت نه ضایع کوي او د سولې خبرو ته دې کېني. ولسمشر غني چې تېره ورځ یې د اسیا د سولې او ثبات په نامه یوې غونډې ته د وینا پر مهال وویل، چې په سیمه کې د امنیت او پرمختګ لپاره له پاکستان سره سوله اړینه ده. نوموړي وویل، چې پاکستان دې رامنځ ته شوي وضعیت ته د فرصت په سترګه وګوري او له افغانستان سره دې د سولې مخامخ مذاکراتو ته کیني. ولسمشر دا هم وویل، چې په تېرو دوو کلونو کې یې سولې د پاکستان د حاضرولو په برخه کې ډېرې هڅې وکړې خو پایله یې نه لرله، نو ښه ده، چې رامنځ ته شوی فرصت غنمیت وشماري. د ولسمشر غني په وینا د جنوبي او مرکزي اسیا له هېوادونو سره دې هوکړې ته رسېدلی چې په سیمه کې به د اقتصادي او سوداګریز پرمختګ لپاره هڅه کوي او امکانات به برابروي خو له پاکستان سره تر اوسه دې هوکړې ته نه دی رسېدلی. دده په وینا پاکستان ته په کار ده، چې له مثبتو لارو په سیمه کې خپل رول پراخ کړي او د سیمې په پرمختګ کې دې ونډه واخلي.

]]>
hameedwardak20@gmail.com (سپوږمۍ راډیو) frontpage Thu, 21 Sep 2017 06:34:59 +0000
وکیلان: د امریکا ستراتيژۍ او د ولسمشر څرګندونو ته ډېره خوشبیني نه ده په کار http://www.spogmairadio.af/spogmai-news/afghanistan/14017-2017-09-20-07-17-05 http://www.spogmairadio.af/spogmai-news/afghanistan/14017-2017-09-20-07-17-05 د ولسي جرګې ځينو غړو د نننۍ غونډې په امتیازي ساعت کې په ملګرو ملتونو کې د ولسمشر د پرونیو څرګندونو او د پاکستان پر وړاندې د هغه له دريځ ملاتړ وکړ، خو زیاته یې کړه، چې دغو څرګندونو ته ډېره خوشبیني نه ده په کار. د وکیلانو په وینا افغان ولسمشر تر دې وړاندې هم دغه ډول دريځ نیولی دی، نو ښه به وي، چې عملي پایلو ته تم شو. خو د ولسي جرګې ځینو نورو غړو بیا د ولسمشر دريځ بې سابقې وباله او د هغه هر کلی یې کړی دی. د وکیلانو په وینا ولسمشر هغه څه وویل، چې باید ویلي یې وی او په ملګرو ملتونو کې یې د افغانستان ځای او دريځ روښانه او قوي کړ. ولسمشر تېره ورځ د ملګرو ملتونو په غونډه کې له پاکستان د سولې غوښتنه وکړه او ټینګار یې وکړ، چې ترهګر به ارو مرو د خپلو ملاتړو لمن سیځي. د ولسمشر په وینا ترهګر او ملاتړي یې د جګړو له لارې خپلو موخو ته نه شي رسېدلی.

]]>
hameedwardak20@gmail.com (سپوږمۍ راډیو) frontpage Wed, 20 Sep 2017 07:16:43 +0000
ولسمشر غني: د ترهګرۍ د ملاتړو هېوادونو پر وړاندې دې جدي اقدام وشي http://www.spogmairadio.af/spogmai-news/afghanistan/14014-2017-09-20-05-14-55 http://www.spogmairadio.af/spogmai-news/afghanistan/14014-2017-09-20-05-14-55 افغان ولسمشر اشرف غني په افغانستان کې شته ترهګرې ډلې د ټولې نړۍ لپاره خطر وبللې. نوموړي د ملګرو ملتونو په عمومې اسمبلې کې د وینا پر مهال وویل، چې ۲۰ ترهګرې ډلې پر افغان خاوره فعالیت کوي او دا ډلې نه یوازې افغانستان او سیمې ته خطرناکې دي بلکې ټولې نړۍ ته خطرونه متوجه کولی شي. ولسمشر غني ټینګار وکړ، چې د ترهګرو د ملاتړو هېوادونو پر وړاندې دې جدي اقدام وشي او دوی دې په دې پوه شي چې ترهګري او جګړې یوه ورځ ددوی لمنې ته رسېږي. ولسمشر همدا راز افغان ځواکونه هغه پوځيان وبلل، چې له ترهګرۍ د نړۍ د ساتلو لپاره په لومړۍ کرښه کې جګړه کوي. هغه همدا راز د افغانستان او جنوبي اسیا په اړه د ولسمشر ټرمپ د تګلارې هر کلی وکړ او زیاته یې کړه، چې دې تګلارې د افغانستان او نړۍ تر منځ د اړیکو نوی باب پرانیستی دی. نوموړي همدا راز پر پاکستان غږ کړی، چې له افغانستان سره دې سولې او ثبات ته د رسېدو لپاره یوه هر اړخیز بحث ته داخل شي. ولسمشر غني یو ځل بیا پر طالبانو غږ وکړ، چې د سولې له پروسې سره یو ځای شي او له افغان حکومت سره خبرو ته حاضر شي. د نوموړي په وینا، په افغانستان کې دایمي ثبات یوازې د مذاکراتو او ديپلوماتکو لارو راتلی شي، نو ددې اړتیا ده چې طالبان له افغان حکومت سره خبرو ته کیني.

]]>
hameedwardak20@gmail.com (سپوږمۍ راډیو) frontpage Wed, 20 Sep 2017 05:14:21 +0000