افغانستان http://www.spogmairadio.af/spogmai-news/afghanistan Thu, 23 Nov 2017 13:02:15 +0000 Joomla! 1.5 - Open Source Content Management fa-ir په جلال اباد کې د ځانمرګي بريد له امله ٢٣ کسانو ته مرګ ژوبله اوښتې http://www.spogmairadio.af/spogmai-news/afghanistan/14721-2017-11-23-11-31-59 http://www.spogmairadio.af/spogmai-news/afghanistan/14721-2017-11-23-11-31-59

د ننګرهار ولايت په مرکز جلال اباد ښار کې د ځانمرګي بريد له امله ٨ کسان وژل شوي او ١٥ نور ټپيان دي. دغه ځانمرګى بريد نن له غرمې وروسته شاوخوا څه کم درې بجې د جلال اباد ښار د لومړۍ ناحيې اړوند د کمپونو په سيمه کې د کوز کونړ ولسوالۍ د سيمه ييزو پوليسو د يوه پخواني قوماندان شيخ اکرم د کور مخې ته شوى دی. د ننګرهار د والي وياند عطاءالله خوږياڼی وایي، چې په دې پېښه کې شپږ ملکي وګړي وژل شوي او ٨ نور ټپيان دي. خو د عامې روغتيا رييس ډاکتر نجيب الله کامه وال بیا وایي، چې دوى ته اته مړي او ١٥ ټپيان ور وړل شوي دي. د امنيې قوماندانۍ د امنيت امر عبدالجميل تتمدره يي وایي، چې ځانمرګى بريدګر پلى و او د کوز کونړ ولسوالۍ د سيمه ييزو پوليسو د يوه پخواني قوماندان شيخ اکرم کور مخې ته د هغه د پلويانو په منځ کې یې ځان ته چاودنه ورکړې ده. هغه زياته کړه چې د کوز کونړ يا ښېوې ولسوالۍ يو شمېر اوسېدونکي نن سهار په جلال اباد ښار کې د شيخ اکرم په ملاتړ لاريون کړى و. د نوموړي په وينا، دغه کسان تر لاريون وروسته د شيخ اکرم کور مخې ته راټول شوي وو چې ځانمرګى بريد پرې وشو. د امنيت امر هم ياده مرګ ژوبله تاييد کړه او ويې ويل چې ټپيان د عامې روغتيا روغتون ته لېږدول شوي دي. د دغه بريد مسووليت تر اوسه چا پر غاړه نه دى اخيستى.

]]>
hameedwardak20@gmail.com (سپوږمۍ راډیو) افغانستان Thu, 23 Nov 2017 11:31:21 +0000
پرون د کابل په قره باغ کې پر بهرنیو ځواکونو ځانمرګی برید شوی http://www.spogmairadio.af/spogmai-news/afghanistan/14719-2017-11-23-11-30-02 http://www.spogmairadio.af/spogmai-news/afghanistan/14719-2017-11-23-11-30-02 د کابل په قره باغ ولسوالۍ کې د يوه ځانمرګي بريد له امله يو کس وژل شوى او د ناټو د درېيو سرتېرو په ګډون ١٤ کسان ټپيان شوي دي. د قره باغ ولسوال محمد ظريف راشد وويل چې دغه بريد پرون مازديګر د اورياخېلو په سيمه کې شوى دی. هغه زياته کړه چې ځانمرګي بريدګر له چاودېدونکو توکو ډک خپل موټرسايکل د ناټو ځواکونو له کاروان سره جنګولى دی. ولسوال وايي چې په دغه بريد کې يو ماشوم وژل شوى، د ناټو د درېیو سرتېرو په ګډون ١٤ تنه ټپيان شوي دي. نوموړي وويل چې په ټپيانو کې د پنځو ماشومانو روغتيايي حالت د اندېښنې وړ ښودل شوى دى. په کابل کې مېشت ناټو ځواکونه پېښه مني، خو د مرګ ژوبلې په اړه معلومات نه ورکوي. بلخوا د جورجيا د دفاع وزارت اعلان کړى چې په دغه ځانمرګي بريد کې يې درې سرتېري ټپيان شوي دي. د دغه بريد مسووليت تر اوسه چا نه دى اخيستى.

]]>
hameedwardak20@gmail.com (سپوږمۍ راډیو) افغانستان Thu, 23 Nov 2017 11:28:14 +0000
په لوګر کې د حقاني شبکې غړي نیول شوي دي http://www.spogmairadio.af/spogmai-news/afghanistan/14718-2017-11-23-11-25-21 http://www.spogmairadio.af/spogmai-news/afghanistan/14718-2017-11-23-11-25-21 د لوګر سيمه ييز چارواکي وايي چې په محمد اغې ولسوالۍ کې د حقاني شبکې اووه غړي نيول شوي دي. د محمد اغې ولسوال محمد رحيم امين وایي، چې تېره شپه افغان ځانګړو ځواکونو د دې ولسوالۍ په احمدزيو کلا کې عمليات کړي دي. هغه وايي چې په دغو عملياتو کې د حقاني شبکې اووه غړي نيول شوي چې په احمدزيو کلا، دهنو، شاهي کلا او شيخک کلا کې يې ترهګريز فعاليتونه کول. ولسوال وايي چې له نيول شوو کسانو څخه اووه ميله وسلې، تبلغياتي پاڼې، د افغان ځواکونو يونيفورم او چاودېدونکي توکي هم ترلاسه شوي دي. د حقاني شبکې تر اوسه د يادو کسانو د نيول کېدو په اړه رسنيو ته څه نه دي ويلي.

]]>
hameedwardak20@gmail.com (سپوږمۍ راډیو) افغانستان Thu, 23 Nov 2017 11:23:14 +0000
د بشري حقونو سازمان: له جنایتونو د شکایت لپاره افغانانو ته اسانتیاوې نه دي برابرې http://www.spogmairadio.af/spogmai-news/afghanistan/14717-2017-11-23-08-20-48 http://www.spogmairadio.af/spogmai-news/afghanistan/14717-2017-11-23-08-20-48

د افغانستان د بشري حقونو سازمان وایي، هېواد کې دننه د بشر ضد او جنګي جرمونو قربانیانو ته د شکایتونو د ثبتولو اسانتیاوې نه دي برابرې. د دغه سازمان په باور، ډېری دغه قربانیان په لرو پرتو سیمو کې اوسي چې ددوی په وینا، نه یې امنیت خوندي دی او نه هم معلوماتي ټکنالوژۍ ته پوره لاسرسی لري. د جرمونو نړېوالې محکمې څارنوالان وايي چې د سي. آى. اې غړو، امريکايي او افغان ځواکونو، طالبانو او نورو ډلو افغانستان کې د بشر ضد جرمونه کړي چې باید وڅېړل شي. دغې محکمې قربانیانو ته څه باندې دوه میاشتې وخت ورکړی چې په انلاین بڼه خپل شکایتونه ورسوي. دغه شکایتونه په دري، پښتو، انګلیسي او فرانسوي ژبو ثبتېدای شي. د افغانستان دبشري حقونو سازمان مشر لعل ګل لعل دا ګام د بشري حقونو د ټینګښت لپاره ګټور بولي خو وایي، قربانیانو ته ورکړل شوی مهلت کم دی. د ده په باور قربانیان ډیری نالوسته او په لرو پرتو سیمو کې اوسي چې په انلاین بڼه د شکایتونو د ثبتولو امکانات نه لري. د افغانستان د بشري حقونو خپلواک کمیسیون بیا د جرمونو نړېوالې محکمې د دغه ګام هرکلی کړی او ژمنه یې کړې چې له قربانیانو سره به د شکایتونو د ثبت په بهیر کې مرسته وکړي.

]]>
hameedwardak20@gmail.com (سپوږمۍ راډیو) افغانستان Thu, 23 Nov 2017 08:17:48 +0000
د هلمند والي: پر طالبانو هوايي بریدونه ډېر شوي دي http://www.spogmairadio.af/spogmai-news/afghanistan/14715-2017-11-23-08-16-48 http://www.spogmairadio.af/spogmai-news/afghanistan/14715-2017-11-23-08-16-48 په هلمند کې د وسله والو طالبانو پر مرکزونو او د نشه يي توکو د تولید او پروسس پر فابریکو هوايي بریدونه ډېر شوي دي. د هلمند والي حیات الله حیات وايي، چې په تېرو څو شپو کې په پر له پسې توګه د هلمند په څلورو ولسوالیو کې د طالبانو پر مرکزونو بریدونه شوي، چې تر ۸۰ ډېر طالبان پکې وژل شوي دي. بلخوا د طالبانو ویاند قاري یوسف احمدي وايي، چې په هوايي بریدونو کې طالبانو ته بلکې ملکي وګړو ته مرګ ژوبله اوښتې ده. د نوموړي په وینا امریکايي ځواکونه د طالبانو د مرګ ژوبلې ادعا کوي، خو په حقیقت کې په ټولو هوایي بریدونو کې ملکیان وژل کېږي. افغان حکومت بیا د ملکیانو وژل ردوي خو وايي چې وروستي بریدونه د طالبانو پر مرکزونو او د مخدره توکو پر ځینو فابریکو شوي دي.

]]>
hameedwardak20@gmail.com (سپوږمۍ راډیو) افغانستان Thu, 23 Nov 2017 08:16:21 +0000
اندونیزیا: د افغانستان د سولې لپاره د اسلامي همکاریو د سازمان کنفرانس جوړوو http://www.spogmairadio.af/spogmai-news/afghanistan/14714-2017-11-23-08-16-15 http://www.spogmairadio.af/spogmai-news/afghanistan/14714-2017-11-23-08-16-15 د اندونيزيا عالمان به په نږدې راتلونکي کې د اسلامي همکاریو سازمان (OIC) په مرسته د افغانستان د ستونزو د حل په موخه د عالمانو يو کنفرانس جوړ کړي. دغه څرګندونې د اندونيزيا مرستيال ولسمشر يوسف کالا د افغانستان د سولې عالي شورا له پلاوي سره د خبرو پر مهال کړې دي. د سولې عالي شورا له لوري په خپره شوې خبرپاڼه کې راغلي، چې د سولې عالي شورا مشر محمدکريم خليلي او ورسره پلاوي پرون په اندونيزيا کې د دغه هېواد له مرستيال ولسمشر يوسف کالا سره بحث او خبرې کړې دي. سرچينې زياته کړې چې د اندونيزيا مرستيال ولسمشر په دې ناسته کې خپل هېواد ته د افغانستان د سولې عالي شورا د مشرتابه پلاوي د سفر هرکلى وکړ او ويې ويل، چې افغانستان او اندونيزيا ډېرې ستونزې ګاللې دي. يوسف کالا دغه راز ژمنه وکړه چې د اندونيزيا عالمان به د اسلامي همکاریو سازمان (OIC) په مرسته د افغانستان د ستونزو د حل په موخه کنفرانس جوړ کړي. د سولې شورا رییس د اندونيزيا له حکومت څخه وغوښتل چې له خپل سياسي او اسلامي نفوذ څخه په استفادې سره دې د افغانستان د سولې له پروسې سره مرسته وکړي او د دغه هېواد له عالمانو يې وغوښتل چې د افغانستان د سولې په قضيه کې دې همکاري وکړي.

]]>
hameedwardak20@gmail.com (سپوږمۍ راډیو) افغانستان Thu, 23 Nov 2017 08:15:45 +0000
روسیې او افغانستان د داعش پر ضد پر مبارزې ټینګار کړی http://www.spogmairadio.af/spogmai-news/afghanistan/14713-2017-11-23-08-15-35 http://www.spogmairadio.af/spogmai-news/afghanistan/14713-2017-11-23-08-15-35 د افغانستان د ملي امنیت شورا سلاکار حنیف اتمر له خپل روسي سیال نیکلای پاتروشف سره د لیدنې پر مهال په افغانستان کې د داعش پر ضد پر مبارزې ټینګار کړی دی. د حنیف اتمر له دفتره په خپره شوې خبر پاڼه کې راغلي، چې نوموړي له خپل روسي سیال سره پرون په مسکو کې کتلي او د دواړو هېوادونو تر منځ یې پر ګڼو مسایلو خبرې کړې دی. د روسیې د ملي امنیت شورا د سلاکار نیکلای پاتروشف له دفتره هم په خپره شوې خبر پاڼه کې راغلي، چې دواړو لوریو په افغانستان کې د تروریزم پر ضد پر مبارزې، ا قتصادي او سیاسي مسایلو خبرې اترې کړې دي.

]]>
hameedwardak20@gmail.com (سپوږمۍ راډیو) افغانستان Thu, 23 Nov 2017 08:14:32 +0000
امریکا په افغانستان کې د جنګي جرمونو له څېړلو سره مخالفت ښودلی http://www.spogmairadio.af/spogmai-news/afghanistan/14712-2017-11-22-11-37-58 http://www.spogmairadio.af/spogmai-news/afghanistan/14712-2017-11-22-11-37-58 د امریکا د بهرنیو چارو وزارت د یوې خبر پاڼې په خپرولو سره په افغانستان کې د جنګي جرمونو له څېړلو سره مخالفت ښودلی دی. د جرمونو نړیواله محکمه هڅه کوي په افغانستان کې د امریکایي ځواکونو، طالبانو او افغان پوځیانو لخوا تر سره شوي جنګي جنایتونه وڅېړي او مجرمین یې د قانون منګلو ته وسپاري، خو اوس امریکا له دغه کار سره مخالفت ښودلی او د یوې خبر پاڼې په خپرولو سره یې ویلي، چې کېدای شي دغه محکمه عادلانه پرېکړه ونه شي کړای. امریکا وایي چې دغه څه په افغانستان کې له امن او سولې سره مرسته نه شي کولی. د جرمونو د نړیوالې محکمې څارنوالۍ ویلي، چې د افغان جګړې جنګي مجرمین دې دعدالت منګولو ته وسپارل شي. فاتو بن سودا په خپلو وروستیو څرګندونو کې ویلي، چې په افغانستان کې به د امریکايي، ځواکونو، وسله والو طالبانو او افغان پوځيانو جنګي جنایتونه څېړي. د نوموړې په وینا په هر چا چې د مجرم شک کېږي باید په جدي توګه یې قضیه تعقیب شي او په اړه یې دې پرېکړه وشي. بن سودا له هغو خلکو چې له دغو جنګي جنایتونو زیانمن شوي غوښتي، چې د عدالت په تامین کې ورسره مرسته وکړي.

]]>
hameedwardak20@gmail.com (سپوږمۍ راډیو) افغانستان Wed, 22 Nov 2017 11:36:53 +0000
روسیې په هلمند کې د امریکا د بمبارۍ هرکلی کړی http://www.spogmairadio.af/spogmai-news/afghanistan/14711-2017-11-22-11-15-47 http://www.spogmairadio.af/spogmai-news/afghanistan/14711-2017-11-22-11-15-47 روسیې په هلمند کې د نشه یی توکو پر وړاندې د امریکا د وروستۍ بمبارۍ هر کلی کړی ، د انټر فاکس خبري آژانس د خبر له مخې د روسیې د بهرنیو چارو وزارت د امریکا وروستی ګام ستایلی او هیله یې څرګنده کړې چې افغانستان کې د نشه یی توکو پر وړاندې خپله مبارزه جاري او ګړندی کړي. ولسمشرۍ ماڼۍ وړمه ورځ اعلان وکړ، چې بهرنیانو په افغانستان کې د نشه یي توکو د پروسس د مرکزونو د وېجاړۍ نوي عملیات پيل کړي او په لومړۍ شپه يې په هلمند کې د مخدره توکو اته مرکزونه وېجاړ کړي دي.د ولسي جرګې یو شمېر غړي او سیاسي شنونکي وايي، بهرنیان په افغانستان کې مخدره توکي له منځه نه وړي بلکې یوازې د پروسس مرکزونه یې د دې لپاره په نښه کوي چې په اروپا او امریکا کې دوی خپل مرکزونه لري او غواړي چې د نشه يي توکو د پروسس له درکه ترلاسه کېدونکې ګټه له دوی پرته بل چا ته ونه رسيږي.

]]>
hameedwardak20@gmail.com (سپوږمۍ راډیو) افغانستان Wed, 22 Nov 2017 11:15:17 +0000
په هلمند کې د نشه یي توکو دویم لوی مرکز هم په نښه شوی http://www.spogmairadio.af/spogmai-news/afghanistan/14709-2017-11-22-11-13-48 http://www.spogmairadio.af/spogmai-news/afghanistan/14709-2017-11-22-11-13-48 افغان او ناټو ځواکونو د هلمند په جنوب کې د ډیورنډ کرښې ته څېرمه د دیشو ولسوالۍ په بهرامچه کې د مخدره موادو د تولید او سوداګرۍ پر یوه مهم مرکز هوايي بریدونه کړي. په هلمند کې د ۲۱۵ میوند قول اردو قومندان تورنجنرال ولي محمد احمدزی وایي، د نشه يي توکو ۹ سترې فابریکې، د نشه يي توکو په کار بوخت کسان او هغه وسله وال طالبان چې د نشه يي توکو له کاروبار سره يې مرسته کوله هم په دغه برید کې وژل شوي چې کره شمېر يې لاهم نه دی معلوم. بهرامچه په اسیا کې د مخدره موادو د پروسس او انتقال ستر مرکز دی چې د نشه يي توکو قاچاق کوونکي يې له دې سیمو څخه نړیوالو بازارونو ته انتقالوي. دا په روانه اونۍ کې د مخدره موادو پر مرکزونو باندې دویمه لویه حمله ده چې په هلمند کې تر سره کیږي.

]]>
hameedwardak20@gmail.com (سپوږمۍ راډیو) افغانستان Wed, 22 Nov 2017 11:13:07 +0000